Davamlılıq

Səsli bələdçi Smart TV televizorlarına ekranınızda göstərilən elementlərin audio təsvirini göstərməyə imkan verir. Bu, görmə məhdudiyyəti olan və ya ekrana baxmaqda çətinlik çəkən şəxslərin əsas TV funksiyalarından və müxtəlif ağıllı xidmətlərdən, məsələn, səsli geribildirim ilə internetdə axtarış etmək kimi xidmətlərdən istifadə etməsinə kömək edir. Səsli bələdçi ilə siz hazırda aktiv olan kanal və səs səviyyəsi, hazırda yayımlanan verilişlər və gələcək yayımlar, habelə, baxış proqramı barədə məlumatı dinləyə bilərsiniz.

Audio təsvir, görmə məhdudiyyəti olan və ya ekrana baxmaqda çətinlik çəkən şəxslər üçün bir çox televiziya proqramı tərəfindən təqdim edilən xidmətdir. Ekranda nələrin baş verdiyinin başa düşülməsinin asanlaşdırılması üçün səhnənin sözlə təsvirini verən əlavə audio trek yayımlanır. Səhnədəki dəyişikliklər, personajların ifadələri, jestləri, kostyumları və s. barədə məlumat əldə edərək, daha çox zövq alın.

Böyütmə funksiyası zəif görmə qabiliyyətli şəxslərə ekrandakı bütün elementləri, o cümlədən mətn və şəkilləri, 200%-ə qədər böyütməyə imkan verir. İstifadəçilər böyüdülmüş sahəni ekranda hərəkət etdirərək baxmaq istədikləri hissəni tənzimləyə bilərlər.

Açıq rəngli mətnin tünd fon qarşısında göstərilməsi, rəng görmə qüsuru və ya zəif görmə qabiliyyəti olan şəxslərin ekrandakı mətni daha aydın görməsinə kömək edir. Siz əsas xidmət ekranının fon rəngini qaraya, mətnin rəngini isə, ağa və ya sarıya dəyişə, bununla da görüntü aydınlığını artıra və gözlərə düşən yükü azalda bilərsiniz. Bundan əlavə, mətnin daha da aydın olması üçün şəffaf TV menyu ekranı avtomatik olaraq qeyri-şəffaf hal alır.

Menyunun və mətnin miqyasının dəyişdirilməsi funksiyası görmə qabiliyyəti zəif olanlara kömək etmək üçün menyuları və mətni böyüdür. Siz Kanal haqqında məlumat, Smart Hub, Tənzimləmələr, çıxan pəncərələr və s. xidmət ekranlarının bölmələrini daha ətraflı şəkildə oxuya və mətni böyüdə bilərsiniz.

Rəngləri tanımaqda çətinlik çəkir və ya gözlərinizi çox yükləyirsinizsə, siz, boz cədvəldən istifadə edərək, ekranın rəngini ağ-qaraya dəyişə bilərsiniz. Siz rənglərin bulanıq etdiyi konturları daha aydın hala gətirmək və gözlərinizə düşən yükü azaltmaq üçün ağ-qara rejimindən istifadə edə bilərsiniz.

İşığa qarşı həssaslığınız varsa və ya görmə qabiliyyətiniz zəifdirsə, siz fonu qara fona, mətni isə, ağ mətnə çevirə bilərsiniz. Rəng çevrilməsi görüntünün tanınma dərəcəsini artırmağa, işığın əks olunma dərəcəsini və gözlərə düşən yükü azaltmağa kömək edir.

SeeColors rejimi, bütün Samsung QLED televizorlarında mövcuddur və rəng görmə qüsuru olan şəxslərin ekran rənglərini gözlərinə uyğun tənzimləməsinə kömək edir. Rəng görmə qüsurunun mövcudluğunu və dərəcəsini yoxlaya, nəticələrə əsaslanaraq isə ekran rənglərini gözlərinizin tanıya biləcəyi spektrə uyğun tənzimləyə bilərsiniz.

Learn Remote Control funksiyası zəif görmə qabiliyyətli şəxslər də daxil olmaqla görmə məhdudiyyəti olan şəxslərin pult düymələrinin yerini və işləmə qaydasını sürətlə öyrənməsinə imkan verir. TV sizə hər bir düymənin təyinatını söyləyəcək.

Learn menu ekranı zəif görmə qabiliyyətli şəxslər də daxil olmaqla görmə məhdudiyyəti olan şəxslərin müxtəlif TV funksiyalarını öyrənməsinə imkan verir. Bu funksiya pultun, əlçatanlıq menyusunun, TV səs bələdçisinin necə istifadə ediləcəyinə dair elektron audio izahlar verir, yayımla, baxış proqramı və s. ilə bağlı təlimatlar təqdim edir.

Bu səsli funksiya AI köməyi ilə videodakı subtitrləri tanıyır və onları səsləndirir.

Bu funksiyadan istifadə etdiyiniz zaman televizorun ekranı söndürülür, lakin siz televizorun səsinə qulaq asmağa davam edə bilirsiniz. Ekranı təkrar yandərmaq üçün sadəcə pultun üzərindəki istənilən bir düyməni basın (Yandırb-söndürmə düyməsi və Səs artırma/azaltma düyməsi istisna olmaqla).

Relumino Rejimi, obyektlərin konturunu gücləndirərək, kontrastlığı artıraraq, habelə, parlaqlığı və rəngi tənzimləyərək, şouların, kinoların və sənədli filmlərin izlənilməsini daha da asanlaşdırır.

Bir çox TV proqramların altyazısı təqdim olunur. Dialoq, eşitmə problemi olan və ya kar istifadəçilər üçün ekranda mətn kimi göstərilir. Altyazılar ekranı bağlayır və izləməyə maneçilik törədirsə, siz onları sizin üçün daha rahat yerə keçirə bilərsiniz. Bundan əlavə, daha yaxşı görüntünü təmin etmək üçün, siz şriftin ölçüsünü, rəngini və fon rəngini, habelə, şəffaflığı öz ehtiyaclarınıza uyğun şəkildə təyin edə bilərsiniz.

İşarə dilini böyütmə funksiyası işarə dili sahəsini avtomatik tanıyır və böyüdür, bu da eşitmə problemi olan və ya kar istifadəçilərin ağız və üz ifadələrini daha ətraflı görməsinə imkan verir. Siz işarə dili sahəsini təyin edə və böyütmə dərəcəsini 200%-dək təyin edə bilərsiniz. Zəif görmə qabiliyyətli istifadəçilər bu funksiyanı idman yarışları və ya viktorina proqramlarındakı ballar kimi xüsusi sahələri böyütmək üçün də istifadə edə bilərlər. Əgər müəyyən bir müddət ərzində işarə dili aşkar olunmazsa, TV istifadəçiyə işarə dilini böyütmə funksiyasını asanlıqla deaktiv etməyi təklif edəcək.

Çox çıxışlı audio funksiyası eşitmə qabiliyyəti zəif olan istifadəçilərə ailələri ilə birlikdə TV-yə baxmağa imkan verir. Səs eyni zamanda həm dinamiklərə, həm də qulaqlıqlara verilir, bununla da, hər bir ailə üzvü yayımdan özünə lazım olan səs səviyəsinə uyğun zövq ala bilir. Eşitmə qabiliyyəti zəif olan istifadəçilər Bluetooth cihazlardan, digər ailə üzvləri isə, TV dinamiklərindən istifadə edə bilərlər.

Pult düymələrinin işləmə sürəti sizin üçün rahat deyilsə, Pult Düyməsinin Təkrar Basılmasının Tənzimlənməsi funksiyası düymələrin işləmə sürətini azaltmağa imkan verir. Kanalların dəyişdirilməsini, səs səviyyəsinin tənzimlənməsini və ya siyahı elementlərinin yerinin dəyişməsini sizin üçün daha rahat etmək üçün, pultun davamlı işləmə sürətini tənzimləyə bilərsiniz.